Cuireann Áras na Scríbhneoirí fáilte faoi leith roimh scríbhneoirí Gaeilge. Tá sé mar pholasaí ag an Áras ó bunaíodh é sa bhliain 1991 freastal ar scríbhneoirí na Gaeilge. Cuirtear léamhanna, ceardlanna scríbhneoireachta agus seomraí le haghaidh seoltaí leabhar ar fáil do lucht na Gaeilge. 

Cuireann Áras na Scríbhneoirí  fáilte faoi leith roimh ghrúpaí scríbhneoireachta Gaeilge chun teacht le chéile agus cúrsaí scríbhneoireachta a phlé  i rith na bliana. Ís díseart é an tÁras chun cuidiú le scríbhneoirí éalú ó challán na cathrach agus atmaisféar suaimhneach, cruthaitheach, cuideachtúil a bhlaiseadh. Cuirimid tae, caife agus rochtain idirlín ar fáil saor in aisce do bhaill an Árais. 

Fáiltímid roimh an bpobal Gaelach teacht isteach chun breathnú timpeall agus súil a chaitheamh ar na háiseanna atá ar fáil again dóibh. Cuirtear fáilte speisialta roimh scríbhneoirí óga na Gaeilge.