Tá áthas ar Áras na Scríbhneoirí Comórtas Liam Mhic Uistin sa Ghearrscéalaíocht 2013 a fhógairt.
Is scríbhneoir aitheanta é Liam Mac Uistin a bhfuil gaol fada aige le hÁras na Scríbhneoirí agus le Comhar na Scríbhneoirí agus tá an comórtas seo á sheoladh in ómós dó.
Is do scríbhneoirí óga agus úra na Gaeilge an comórtas seo, sé sin scríbhneoirí nach bhfuil aon leabhar foilsithe acu go dtí seo. Níl aon táille ag baint le cur isteach ar an gcomórtas.
Spriocdháta Aoine 4 Deireadh Fómhair 2013.
Is é Clár na Leabhar Gaeilge, Ráth Cairn, Áth Buí, Co. na Mí a dhéanfaidh urraíocht ar Chomórtas Gearrscéalta Mhic Uistin.
Duaiseanna
An Chéad Duais - €500
An Dara Duais - €250
Foilseofar na buaiteoirí san iris Feasta.
Rialacha an chomórtais
1. Is do scríbhneoirí óga agus úra na Gaeilge amháin atá an comórtas seo, sé sin scríbhneoirí 18+ nach bhfuil aon leabhar phrós (leabhair acadúil san áireamh) foilsithe acu go dtí seo.
2. Ní féidir le haon duine níos mó ná iarratas amháin a chur isteach ar an gcomórtas.
3. Ní ghlacfar le hiarratais tar éis an spriocdháta Aoine 4 Deireadh Fómhair 2013.
4. Ní ghlacfar ach le gearrscéalta nuachumtha, nach bhfuil foilsithe cheana.
5. Is é an t-úasmhéid focal ná 2,500.
6. Glactar le hiarratais trí ríomhphost i bhfoirm .doc nó.rtf go eolas@writerscentre.ie nó info@writerscentre.ie le ‘Comórtas Liam Mhic Uistin’ luaite sa teideal.
7. Glactar freisin le hiarratais chlóite ar pháipéar A4 (12pt, le spásáil 1.5) chuig:
Comórtas Liam Mhic Uistin
Áras na Scríbhneoirí
19 Cearnóg Pharnell
Baile Átha Cliath 1.
Ní mór ‘Comórtas Gearrscéalta Liam Mhic Uistin’ a lua ar an gclúdach litreach agus ar an iarratas. Ní mór na leathanaigh a bheith uimhrithe.
8. Ní mór do theideal an scéil a bheith ar bharr gach leathanaigh, ach gan ainm an iontrálaí a bheith air.
9. Ní mór litir chumhdaigh a chur isteach i dteannta gach iarratais le hainm agus sonraí teagmhála an údair uirthi.
10. Ní mór bunchóip den scéal a choinneáil mar ní sheolfar iarratais ar ais.
11. Ní bheidh dul thar bhreith an mholtóra i gcás ar bith.
12. Roghnófar na buaiteoirí agus bronnfar na duaiseanna ag ócáid in Áras na Scríbhneoirí i Samhain 2013.
|
