Cén fáth ar cheart duit a bheith i do bhall?

Is féidir leatsa cabhrú le hÁras na Scríbhneoirí leanúint ar aghaidh lena chlár uaillmhianach as ballraíocht a thógáil amach. Cuidíonn na baill treoir agus polasaithe Áras na Scríbhneoirí as cruinnithe speisialta a thionól, agus as beirt Stiúrthóirí a chur ar fáil don Bhord. Táimid ag dul i gcomhar le heagrais eile sna healaíona inár gcáilíocht mar abhcóidí chun na healaíona trí chéile in Éirinn a chur chun tosaigh i gcoitinne, go háirithe i réimse na litríochta, agus go háirithe maidir leis an bprós-scríbhneoireacht a bhfuil sainchúram faoi leith againn ina leith. Cuireann neart na ballraíochta go mór le tionchar Áras na Scríbhneoirí.

Tá maoiniú cláir measartha á fháil faoi láthair ag Áras na Scríbhneoirí ó fhoinsí éagsúla, an Comhairle Ealaíon san áireamh, ach ní mhairfeadh sé in aon chor cheal tacaíocht chroíúil an phobail liteartha a bheith ann, mar aon le hiarrachtaí iad siúd a bhíonn ag obair ar bhonn deonach ar son an Árais. An tslí is fearr le cur leis an institiúid nótálta náisiúnta seo ná a bheith i do bhall.

Cé dó Áras na Scríbhneoirí?

Sa saol liteartha, is faoi scáth a chéile a mhaireann an scríbhneoir agus a pháirtí, an léitheoir. Cé go mbíonn Áras na Scríbhneoirí ag díriú isteach ar fhorbairt agus ar chur chun cinn an scríbhneora, tuigimid go maith go bhfuil sé ríthábhachtach go mbíonn an léitheoir rannpháirteach sa phróiseas, leis. Dá bhrí sin, fearaimid fáilte roimh léitheoirí díograiseacha dícheallacha, chomh maith le scríbhneoirí, a bheith ina mbaill agus páirt a ghlacadh i ngach cuid dár gcuid oibre, chomh fada leis an mBord Stiúrtha.

Tairbhe na Ballraíochta

Baineann baill leas as an tús áite a thugtar dóibh ar go leor bealaí: cead isteach saor in aisce do go leor léamhanna a mbíonn costas orthu go minic, réamh fhógraí faoi ócáidí nuair a bhíonn teorainn ar líon an lucht éisteachta ar féidir a bheith i láthair, teacht ar an mbailiúchán leabhar atá againn.

Chomh maith leis sin, bíonn lascaine do bhaill maidir le táillí ceardlainne, agus is minic go sábháileann an ballraíocht an-chuid airgid sa chás sin. Is féidir le baill lascaine 10% a fháil i Chapterhouse Café béal dorais ach an cárta ballraíochta a thaispeáint.

Táimid ag forbairt rochtana ar ghréasáin chónaithe agus cláir mhalartaithe le hinstitiúidí cultúrtha mórthimpeall na cruinne, agus tabharfaimid réamhfhógra do bhaill maidir leis na deiseanna idirnáisiúnta seo.
Bíonn Áras na Scríbhneoirí ar oscailt ó 10 r.n. go 10 i.n. Luan go Déardaoin, agus ó 10 r.n. go 6 i.n. ar an Aoine agus ar an Satharn. Is ceadmhach do bhaill áiseanna agus áiteanna comhchoiteanna oibre a úsáid agus teacht ar an idirlíon saor in aisce.

Bíonn tae agus caifé i gcónaí ar fáil do bhaill Áras na Scríbhneoirí atá ag iarraidh teacht le chéile in Áras na Scríbhneoirí chun smaointe a mhalartú nó le dul ag obair ar chomhthioncsnaimh. Is áit le dealramh é chun bualadh isteach ann.

Cosnaíonn sé €50 in aghaidh na bliana chun a bheith i do bhall d’Áras na Scríbhneoirí.

Seoladh:   Áras na Scríbhneoirí, 19 Cearnóg Pharnell, Baile Átha Cliath 1.

Fón:          01- 8721302

Rphost:     info@writerscentre.ie